علي الألفي لـ صابرين: صابرين هي الموهبة القوية وأشطر كتكوت
إيمان عمر
شارك الفنان علي الألفي، متابعيه عبر حسابه الخاص بـ موقع التواصل الإجتماعي الشهير “فيسبوك”، منشورًا أعرب فيه عن حبه للفنان صابرين.
علق الألفي قائلًا: “عندي حب حقيقي مش مفهوم تجاه صابرين، صابرين هي نموذج للموهبة المصرية الكبيرة المتشتتة بين كل حاجة فمش باين منها حاجة أو الشخص اللي عنده طاقة كبيرة قوي قوي فلما بتشوف طاقته تتخض وتبعد”.
وتابع علي: “صابرين هي البنت الكيوت قوي في أبو العلا البشري، ثم فنانة الاستعراض في فوازير يحيى الفخراني وهالة فؤاد، وهنا عندنا مشكلة، موهبتها العظيمة بحق تختفي بين كاريزما الدكتور وهالة فؤاد الملائكية، رغم أنها الأقوى غناء واستعراضًا”.
وتابع الفنان: “صابرين طفولتنا مين فيكم أشطر كتكوت؟؟ صابرين اللي شبه كل بنات مصر، وطبيعة جسمها بتملى بسرعة فلم تسلم من نار أقلام صحفيين التسعينيات الشرسة، وبقت طول الوقت تخس وتتخن ودي حاجة أؤكد لكم إنها تخلي الواحد يفقد عقله، صابرين مسلسل أهالينا اللي كسر الدنيا في سنته، وقدم لينا الموهبة الظريفة منى زكي بشكل مختلف”.
واختتم الألفي: “البوست في حب صابرين، الموهبة المصرية قوي، أشطر كتكوت، اللي لو كان حد فهم طاقتها، كان الموضوع بقى في مكان تاني، بلغوها سلامي ومحبتي”.
